DESCO2: Descarbonización de Procesos Térmicos no Sector Conserveiro

Tecnoloxías emerxentes para reducir a dependencia de combustibles fósiles nos procesos térmicos da industria conserveira.

Financiamento: Ministerio de Agricultura, Pesca e Alimentación, no marco do Plan de Recuperación, Transformación e Resiliencia. 590.480,34 €. 30 de decembro de 2021 – 15 de outubro de 2023.

Obxectivo: desenvolver e testar tecnoloxías emerxentes (indución, quecemento óhmico e ultrasóns) para reducir o consumo de combustibles fósiles nos procesos de cocción e esterilización, cuantificando os aforros enerxéticos e a redución do impacto ambiental e hídrico fronte ás tecnoloxías tradicionais. Un prototipo a escala industrial de cocción por quecemento óhmico foi un dos obxectivos específicos do proxecto.

Contexto: o sector conserveiro é un dos máis intensivos en consumo enerxético, cun gasto anual próximo aos 80 millóns de euros, case a metade procedente de combustibles fósiles. Os resultados do proxecto son exportables a outros sectores alimentarios con procesos e equipos similares (lácteo) e ao sector aeronáutico (autoclavado de fibras de carbono e compostos).

Socios: ANFACO-CECOPESCA e o grupo de investigación APET (Applied Power Electronics Technology) da Universidade de Vigo.